山梨花野 (已結業)

今日同同事一齐食lunch，我地见呢间餐厅唔洗等位，menu睇落又几fancy吓，又系素食，就贪得意试一试Menu真系好丰富，我地都睇咗一阵，员工过嚟推介我地食午餐定食，会多咗前菜、汤、同埋甜品，咁我就听话试吓啦粟米汤好浓稠，并唔系液体状，我个人几中意，而且饮得出唔系用罐头开嘅汤，系有淡淡嘅天然粟米味，唔错牛蒡甘笋沙律最惊喜，真系好好食，不过留意系辣嘅。野菜炒素鸡柳有好香嘅蒜味，素鸡食落口感真系好似鸡，有好香嘅豆味，唔错但冇乜惊喜，下次会想试吓汉堡 同事叫嘅吉列素猪扒炸得香脆，都好食！富士山饭好kawaii，打卡一流食起上嚟就冇乜特别 我叫咗冬荫功汁，意外地几好食，味道几浓吓，酸同辣都够味以为系海盐雪糕，原来系焦糖海盐酱配云呢拿雪糕味道唔错，中意冬甩烟烟韧韧好有咬口，连隔离朵黄色小花都食得㗎系白朱古力嚟嘅，不过就硬咗啲花茶好精致，都冲到10杯到，食完成餐饭再慢慢叹，真系好写意～可惜lunch time差唔多完喇呢间餐厅系可以encore嘅，但就要等月头啱啱出粮去 成个定食$88再加一，埋完单银包真系好空虚