四爺車仔麵專門店 (已結業)

车仔面系香港特色之一，想拣咩𩠌就食乜嘢𩠌！今次去咗呢间特色车仔面嘅餐厅试，想试下佢究竟有咩咁特别一行二人，一碗三𩠌车仔面、一碗咖哩牛腩饭、一个炖汤。而我今次主要就住车仔面同埋炖汤黎讲🌻平时食嘅车仔面只限米粉、河粉、米线等既选择，但系餐厅提供额外例如菠菜面、乌冬等选择我就拣左我最钟意嘅波菜面，食落去其实几好味，如果下次再拣我未必加麻辣汁，因为其实牛骨汤本身好鲜甜。简单来讲，无论系汤底定系𩠌，呢个车仔面配搭多选择多，可以根据个人嘅口味挑选，餐厅亦都会将客人选择嘅𩠌菜分小碟摆放，睇落去好精致🌻除咗车仔面之外，其实呢度仲有几款炖汤。本身想试吓一个类似猴头菇嘅汤水，不过唔知系咪太受欢迎已经卖晒啦！所以我就试吓牛乳花胶汤，其实感觉上好似糖水不过饮落去佢系有牛奶嘅香味，但系唔系糖水咁甜，带有清清地嘅感觉。