利小館

营业中

休息中

对利苑印象都系一间高级酒楼，好似适合同长辈食饭，无特别都唔会要去，同埋都系新年食佢嘅枣皇糕。呢排知道利苑旗下有间叫利小馆，就系元朗利苑隔离，见YOHO佢地新开张，就去左食啦。去到已经7点几，排队等位，咁岩安排到坐卡位YEAH! wechat落单仲有95折!!!点左萝卜丝酥饼、南翔小笼包、焦糖排骨、上汤焗海虾煎面，仲有一个炖汤。炖汤同萝卜丝酥饼好快就上左，一盅炖汤2个人Share都OK同足料，萝卜丝酥饼同出面其他酒楼比唔平架要成$33，但想食都照叫啦，个质素对得住个价钱嘅。之后小笼包都唔错，皮够薄。煎面够脆身，焦糖排骨有少少肥，唔经唔觉嗌左咁多炸野，好邪恶呀。开张呢轮仲有$10枣皇糕优惠，个优惠都有几多步骤，再要每人食够$100先得，好彩我地都够，枣皇糕真系好好味，宜家谂起都想食呀。