北京老家 (已結業)

喺太子呢头返工真系好幸福，附近多野食，仲有北京老街呢间又经济又好食的餐厅，都是我同同事最喜爱食饭的地方。可能佢要上楼，到午饭时间，都唔洗排队，仲有位，就算多啲人一齐食都唔怕，唔洗迫。通常我地多人就会每人拣一个𩠌，然后一齐分，一齐食。每个餐$58，有例汤﹑白饭同甜品，免加一同茶钱。周围装修都几标致。扮下古色古香咁。我最中意食水煮面青，够哂麻，够香口，唔算辣，真系想连啲汤都饮埋！入面有大大条花椒好足料，仲有宽粉，猪肉，大白菜，芽菜，够哂丰料～另一至爱系糖醋鱼块。好多时食呢类咕噜食物，都会好厚炸粉，或劲多汁整到似食浆糊咁。但呢个真系无，鱼好滑，个汁岩岩好唔多唔少。麻婆豆腐﹑榄菜四季豆同葱爆牛肉，都系送饭一流，煮得好香，够哂惹味！最后，要赶住走，无影相的糖水，系桂花小丸子，送的小丸子都有好多粒，真系饱到揽住个肚走！而加食个茶记都系五六十蚊一个餐，仲要系颓个种。但系呢度可以食到精致的小菜，坐得舒适，唔洗赶住交枱，伙记仲好友善，好帮忙，会介绍下啲𩠌，主动问我地有咩未来帮我地去追。真心推荐～