名館 (已結業)

假期约一班朋友最好就系食中菜,因为坐圆枱容易d倾计,我地简左好耐,最后决定简名馆,喜欢佢方便就脚同地方够大,见到menu cover design得古式古乡超靓,真系引哂d食欲出来,我地最后简左鲍鱼鸡粒炒饭,酸甜咕噜肉,蒜蓉娃娃菜,马拉糕,一口小笼包,海鲜薯仔薄饼,鸡丝粉皮!第一度上菜嘅𩠌系鸡丝粉皮,超多麻酱同青瓜,一边捞一边闻到阵阵麻酱香味,咬落去好爽口, 系一道好清新嘅前菜之后系海鲜薯仔薄饼,虽然薯仔味唔算太浓,但海鲜都算多,而且煎得唔系好油,都几唔错酸甜咕噜肉绝对系一个唔会唔好食嘅𩠌, 酸酸甜甜真系好令人开胃, 而且仲有我最钟意嘅水蜜桃好正蒜蓉娃娃菜超多蒜蓉,虽然我都钟意蒜蓉,不过真系太过多啦, 点整走都好每一啖都食到好多蒜蓉,如果小番啲就好喇鲍鱼鸡粒炒饭鲍鱼唔算好多,饭就好浓味,我食开比较清淡,所以觉得有啲咸马拉糕好松化唔会太林,咬落去弹弹地几好味小笼包外皮有啲厚,汤汁唔易穿, 小笼包入口连汤汁一齐食,好味!!