蓮苑 (已結業)

过年前，好多商舖都减价，呢日我哋去咗K11行街，行完就喺度食晚饭啦，突然好想食中菜，于是就拣咗呢间莲苑试吓。睇咗个Menu，佢自己主打都系食粥粉面饭之类嘅中菜，但同时亦都提供小菜。我哋四个人叫咗三个小菜、干炒牛河、一个小食。三个小菜分别系时菜带子虾球、玫瑰鸡半只、姜汁炒芥兰，三个小菜我哋都配左螺头汤。要赞下个汤，上到嚟真系热辣辣，汤嘅味道非常好非常入味，里面亦都有好多瘦肉、螺头和红枣。时菜带子虾球够新鲜、玫瑰鸡啖啖肉、炒芥兰炒得非常碧绿，菜亦都好幼嫩，好出色，食唔停口。另外干炒牛河炒得好有镬气，亦都唔会好油腻，我觉得都系好出色嘅食物。小食我哋叫咗凉伴海蜇手撕鸡，味道都唔错啊，海蜇好爽口。最后我哋梗系要食埋甜品先走啦，不过可能由于我哋迟去，有啲我哋想食嘅甜品都已经卖晒了。好彩我仲食到我最想食嘅伯爵茶布甸，真系好好味呀，有茶味一啲都唔甜。另外汤圆亦都唔错，因佢个汤又姜汁味，我好钟意。