昼月

营业中

休息中

同朋友去食厨师发办～ 精致又好味首先上嚟嘅前菜系冰头渍,三文鱼嘅鼻骨鲜甜！好特别！海胆玉子同鱼籽都好正咸香浓郁,好滋味。另外个红酒蕃茄就为呢个开胃小菜带嚟点酸甜,中正漂亮。紧接着就系一系列嘅刺身。个带子好大只粒粒肥美,鲜美嘅间白真系好正。个油金鱼油喷香入味,加埋个鲜香浓郁嘅牡丹虾，真系一流！个拖罗超肥美！加埋清爽嘅Wasabi同紫苏叶正好平衡了呢种浓烈嘅味道。咬落嘅一刻充满层次,极之满足!之内蚝系岩手县既蚝，配埋酸汁啫喱同红萝卜蓉,非常之美味！墨鱼汁蒸蛋呢道则把日式嘅清淡简约推向另一个高峰。蛋嘅鲜嫩配埋墨鱼汁嘅浓郁咸香,简直绝配。滑蛋中有点酸酸好好味！之后嘅金鲷、剑鱼同间白鱼,三种鱼类各有特色,每一件都做到极好!金鲷嘅肥美配合剑鱼同间白鱼嘅爽滑！简直系无可挑剔!最后必食嘅油甘鱼三星渍,鱼肉鲜甜入味，金目鲷上面炸过嘅鱼鳞香脆,带来层次感。深海池鱼更是盛世珍馐！最后加埋北海道松浦水产嘅海胆，非常丰富嘅口感！海胆鹅肝一流！最后黎个牛角包窝夫雪糕正正就作为整个晚餐嘅总结，既清新甜美,又滋味丰富,简直完美收尾。