Next Station Dessert (已結業)

今日午后之轻食，嚟到黑布街依个甜品战场！依到四间甜品舖头，终于都食齐，终于完成一个伟大的创举！不过今次唔喺同公主一齐食，果然越嚟越大胆！依间小店嘅出品，混入咗少许分子料理嘅原素！但麻甩佬对甜品嘅喜好同热情都喺有限，又唔敢试新嘢，所以保守啲叫咗《朱古力心太软配曲奇雪糕》就算！靓仔店员问我要咩酒？吓？真喺唔明佢讲咩！原来喺有支试管装装住啲酒直插落心太软，咁都几新奇㖞！先讲朱古力心太软，听返靓仔店员讲，通常客人都会叫 Baileys ！对甜品保守嘅我，都喺跟大队啦！卖相差唔多唔讲咁多啦，但味道方真喺好好！朱古力非常浓郁，砌开时都喺嘭嘭声流出嚟，而且有 Baileys 作吊味，真喺男女都啱食！试过一次之后，如果再拣，我会拣 Rum ！曲奇雪糕可能喺叫货啦！味道唔算突出，但曲奇饼混埋雪糕，又软又脆，食落颇口感！比一般甜品店，更有心思！最终一份《朱古力心太软配曲奇雪糕》过咗大半个优闲嘅下午，咁都几写意！代价都喺 58 蚊，真喺喜出望外㖞！