Petit Deli (已結業)

西餐要做得好，的确唔容易，除咗味道、卖相、仲有一份心机，今次呢度就三样有齐啦～我自己好钟意食蟹肉，见有呢个蟹肉芒果他他，就毫无悬念咁要咗!蟹子、芒果同蟹肉的确系绝配，三样嘢加起嚟好match,口感一流!呢个小食拼盘根据小弟目测，大部份客人都会拣佢，无他嘅~又有蜜瓜pama ham、烧骨、虾卷同薯条，咁丰富点会唔叫呢？呢杯柠檬茶真系心机之作，里面看似无冰，但原来系打碎晒响入面，令到杯茶唔会越饮越淡，够晒茶味!带子墨鱼汁面既面系由呢度嘅师傅自家制，面条造型好得意，好似云耳咁，咬落姐好弹牙，而带子亦够香口，唔错。呢个泰式肉饼味道新鲜，煎得香脆，加埋酱汁好醒胃。孩儿深爱嘅fruit punch,靓靓又香甜，果味十足!