Mangia!

营业中

休息中

Mangia主打意大利菜，都有唔少fusion菜式，特别又好食，而且装修有格调，气氛好好。记得要订位，因为舖头座位唔多，又有唔少人会book开小派对。*Burrata 2.0 (V) $128最底系烤青椒，切开Burrata芝士系罗勒青酱，表面系四川辣椒油、小虾干。芝士好滑好creamy，配火箭菜、香辣小虾干意外地非常夹，开胃小菜绝对会一啖接一啖。Mongolian Lamb (N) $168蒙古羊架由孜然等中东香科腌制，带羊膻味，咸香又重口味。配烤茄子泥多一层口感又可以refresh味蕾。不过份量嚟讲，cp值比较低。Truffle (V) $228手工意粉吉他面有咬口、有韧度，质感有啲似伊面。满满嘅薄片冬季黑松露，系松露中味道最浓、最昂贵。意粉汁系最天然嘅黑松露味，唔系重白汁、重口味汁。