LA FAMILLE

营业中

休息中

呢间La famille 主打系卖戚风蛋糕，之前同事离职，拣咗呢间戚风小蛋糕请我哋食。佢哋嘅蛋糕有好多款式口味，戚风蛋糕松软，感觉好轻盈，而且唔会好干身，口感湿润绵密。同埋小蛋糕嘅size又啱啱好，可以一个人食到一件！😋早两日去开钻石山，买咗两件戚风小蛋糕+一件巴伐利亚。我最钟意系大甲香芋黑糖麻糬戚风小蛋糕，同埋香浓开心果戚风小蛋糕。大甲香芋味嘅cream又香又浓又滑，配埋黑糖麻糬软糯口感perfect。开心果蛋糕外面系一层脆脆嘅开心果朱古力加开心果碎，虽然系有啲甜，但开心果味好浓！另外件巴伐利亚个样就好靓好精致，但食落味道比较清淡，个人觉得戚风小蛋糕较为出色。