鮨心 (已搬遷) 新店位置

人越大，就越少再去食放题，因为好多时候食放题选择多但未必质素样样都咁好，反而去唔少楼上嘅寿司铺会揾到惊喜！酿鸡翼，加少少柠檬汁，可以减低油腻感，一楼入去肉汁爆满，最后连买两只鸡翼尖都食埋十分之特别嘅一道菜式，系将满满嘅加拿大海胆用紫菜包住，再拎去炸。热辣辣咁样上枱，一咬落去海胆一啲都唔腥但系紫菜就炸得十分之香脆，好味！仲有，终于系香港揾到一间好食嘅鳗鱼饭啊，上枱嘅时候侍应同我地讲佢哋嘅鳗鱼由日本直送，而且连酱汁都系由自己去调配。难怪食落口，同喺东京食到嘅十分之相似，而且鳗鱼肉十分之多，好足料啊！甜品竟然仲有得拣，要咗个水信玄饼，黑糖浆再点少少黄豆粉食十分之好味，完整左一整个晚餐噜