素菲亞 (安發大廈) (已結業)

西环越泥越多FUSION野, 亦有好多好CHILL既餐厅酒吧, 近来仲问左间新派素食, 餐厅灯光柔和, 装潢简单有舒适感, 而且弥漫住一种宁静感觉。粟米菠菜脆芋片阔条面除左有大块既脆芋片, 仲有D碎碎既脆芋片系阔条面上, 为整个面增添口感。 面质软硬适中, 酱汁已沾满整条面, 粟米味十分突出。红咖哩鱼黑糯米饭新派素食一向卖相精致, 依度既都唔例外, 将咖哩打成泡沫, 细致幼滑, 少少既泡沫却带有浓香既咖哩味, 非常有趣! 黑糯米黏口烟韧有糯香, 素仓鱼块同大豆制成, 卖相似足真既鱼, 表面加左一层薄薄既紫菜仿鱼皮, 带有微脆表面内里弹牙, 虽然口感唔似鱼, 但味道依然可口。 荔枝青柠梳打    荔枝香甜加上青柠既清新, 好FRESH。 士多啤梨荔枝茶甜度接近零, 反而饮到茶味既清香, 带淡淡既果香。