中華滙館 (已結業)

妈咪最近生日，而佢一向就钟情中菜。但我想同佢食得好啲，所以就去左中环既中华汇馆，食中式既fine dining。我地叫左杏汁炖白肺汤 (HKD 120)，蟹肉瑶柱栗米羹 (HKD 100)。主食就叫左香煎北海道带子 (HKD 180)，银丝焗酿鲜蟹盖 (HKD 220)，椒麻和牛肩肉 (HKD 220)，西施牛尾 (HKD 180)，面酱三香条 (HKD 180)，羊肚菌腐皮素卷 (HKD 180)。而甜品就要左芝麻卷 (HKD 28) 核桃饼 (HKD 28) 桂花红豆糕 (HKD 28)。前菜有鹿儿岛茶美豚叉烧，黑鱼子流心蛋，蜂巢凤美虾同麻辣口水鸡。叉烧同口水鸡既肉质好软熟，好稔，而流心蛋加黑鱼子既味道同口感都好丰富。至于个凤美虾饮质好鲜甜而炸得唔油腻。个白肺汤好好味，食落去有浓厚既杏仁口感，白肺又多又足料，正。而个蟹肉羹味道唔错，蟹肉又多又鲜甜。个带子好大粒，上面仲有黑鱼子，而点埋佢个南瓜汁，真系好好味呀。而个蟹盖卖相唔错，而且好好肉地，味道又好又鲜甜，黎到呢刻，见到妈咪食得咁开心已经好满足。个牛肩肉炸得好香口，但唔肥腻，佢个秘制酱汁味道都唔错。而个牛尾酸酸甜甜，令到我既味蕾好撞