祥利車仔麵 (西洋菜南街) (已結業)

就算疫情放宽限制，自己都会揾啲感觉上较卫生既餐厅食。寻晚放工去旺角附近随机揾野食，被呢间走木系路线既餐厅吸引住😍店铺以白色、木色为主🪵，格局简洁利落，除左必须既透明隔板，枱面冇摆放其他野。菜单同点菜笔放系枱旁抽屉里面，餐具由店员与食物同时送上，感觉非常干净卫生✨店员好友善咁介绍餐厅老板由日本学师后回流香港🇭🇰，继而推出九格定食，以港式配菜配搭日式文化之中🎌九格定食卖相非常精致， 九格里面各有一个小碗，摆放不同款式既港式配菜，让香港、日本文化融合得宜又没有违和感🧡✦ 花胶汤🥣：有餐厅主打既原块花胶，滋补又养颜。花胶弹牙且厚身，花胶汤浓郁，好有胶质✦ 蚝皇花菇：花菇既蚝油好入味，口感好软焾，带有少少甜醋味，食落有惊喜🥳✦ 猪手🐗：另一骨胶原推介，猪手以姜烹调，猪皮同猪骨都有淡淡姜味✦ 萝卜：味道清甜，亦令整个九格颜色更丰富✦ 醉鸡翼：酒味几浓，鸡翼开半腌制令肉质入味又保持嫩滑👍🏻✦猪软骨：猪肉质感软焾，连埋软骨一齐食，咬软骨既感觉真系好爽🤩✦ 炸鱼柳🐟：鱼柳新鲜炸起，香脆软熟，冇鱼腥味，亦冇油腻感✦ 秋葵：味道正常，纯粹令整体配搭颜色丰富✦ 溏心蛋🥚：原只鸡蛋，蛋黄流心，以酱油腌得好入味！