醉忘魚屋 (已結業)

💡 精致日式居酒屋铜锣湾永光中心楼上有间道道菜式都非常精致考究嘅日式居酒屋，同朋友放工过嚟食嘢饮酒就啱晒。🍽️ 𩽾𩾌鱼肝𩽾𩾌鱼肝被视为鱼类界的"鹅肝"，餐厅做到入口丝滑，丰润，奶油般既口感，味道浓郁，食落非常有层次。🍽️ 特上刺身四点全部刺身都非常高质，包括中拖罗，䲠鱼，甜虾同肉赤贝。刺身温度适中，中拖罗肥美，肉赤贝脆口，甜虾鲜甜Q弹，䲠鱼有浓郁既鱼味，值得一试！🍽️ 吞云吐雾一上菜就非常吸精，店员一开盖，烟雾弥漫，同时漂黎浓浓既苹果木香，真系视觉同嗅觉既享受。由苹果木烟熏过嘅芝士，夹埋紫菜一齐食，芝士味道creamy浓郁，紫菜薄脆轻盈。🍽️ 五色沙追唐扬沙追鱼炸到油份迫晒出嚟唔油腻，加上五色米通，色彩缤纷，配蛋黄酱一流。🍽️ 汁烧太刀鱼太刀鱼充满油香，无骨啖啖肉，加上烧汁非常惹味。🍽️芝士海胆酱烧豆腐豆腐内裹非常滑溜，表面够挺身唔会碎开，加上面头浓郁嘅海胆酱，balance得啱啱好。🍽️自家制免治鸡肉棒居酒屋经典菜式，鸡肉棒入边嘅鸡软骨非常有口感，点埋蛋黄将味道升华。Ps/ 店员除咗服务细心，仲好好每道菜都会作简单介绍。