塚田食堂

营业中

休息中

收工好肚饿所以叫咗「13品御膳」($168)呢个餐，可以食得饱啲😂卖相好精致，有13款种类嘢食，入面包咗味噌汤、主食、沙律、小食同甜品，啱晒心大心细嘅人试。主菜有三色刺身、鳗鱼、炸猪扒、鸡肉同埋安格斯牛，就咁食晒呢几款都已经好够，值得一题系个鸡肉真系好juicy而且好软熟！用少少盐味已经好好食！沙律嘅款式都好多，其中羽衣甘蓝沙律最好食！入边加埋合桃同埋苹果，爽脆得嚟又酸酸甜甜咁好开胃🤤食哂主食仲有甜蛋同一串豆黑蜜小丸子🍡小丸子真系好食，竟然系有烤过同入边仲有馅🥺呢个餐真系咩都有齐晒，如果细食嘅仲可以两个女仔一齐share食。出边仲有自助沙律同埋饮品吧，加$20就可以无限任添。