上岸料理 (已結業)

出咗粮口痕就想食好啲😆！虽然价目牌上嘅刺身饭大约$145-$160不等，但去嘅时候晏昼一点多啲都爆满需要等，估计质量都应该有返咁上下😳。同同事一人叫一个池鱼王他他丼同一个四式丼。前菜有新鲜沙律(1)同炆过嘅牛脷(2)同日式蒸蛋(1)。蒸蛋底下仲有几粒爽口弹牙嘅虾添！而主食方面，日池鱼唔会觉得佢有特别味道，比较清，唔会有腥味；而四式丼就有海胆、三文鱼籽、蒽吞拿鱼腩同蟹肉，口感比较丰富，当然味道相对之下就偏重少少，值得一赞系海胆好新鲜😋！面豉汤都唔错。而比较有惊喜，当然系杏仁豆腐😍，杏味唔算特别浓，口感做到好似布甸咁！上面仲有两片士多啤梨🍓，好似好唔夹咁，但望落靓靓好和谐！总结，每一样嘢都好精致，份量唔算多，但样样加埋就刚刚好😚！又一餐。