真鮨 (已結業)

虽然唔系好明白男人点解咁钟意食日本菜但决定就下男朋友 去食好嘢😌呢间日本菜系尖沙咀 好近地铁站🚉细细间 麻雀虽小但五脏俱全原条真鲷真系原条上， 见到都觉得好靓好新鲜。可以见到每块鱼肉切得好均匀，仲有鱼肉清透，纹理清楚可以见到，白色半透明既真鲷。点既汁都好特别，因为真鲷味道清甜，点既酱汁更加突显佢嘅甜味，唔会抢佢嘅鲜味。寿司有好多寿司🍣可以拣，我同男朋友就拣咗鳕场蟹脚寿司、鱼背边寿司、蟹膏帆立贝寿司同墨鱼寿司。钟意蟹膏帆立贝，蟹膏酱系帆立贝上面味道有咸香味，蟹脚系真系一条长蟹脚系寿司上面，识落啖啖蟹脚肉。串烧都有好多，有鸡皮露笋串、烧鸡皮串、烧豆腐、烧鲜鸡肾。鸡皮包住露笋，烧完都仲有唔少嘅汁，唔会觉得干，鸡皮加埋芦笋唔会觉得油腻。烧豆腐，豆腐大大嚿，睇落去好似臭豆腐咁，皮有少少硬，但上面嘅酱汁甜甜地，点上豆腐味道特别，入面豆腐肉软软地。焗蟹盖好钟意食蟹嘅产品，呢个烧蟹膏男朋友好钟意食，蟹盖上有红卜卜嘅蟹膏，用匙羹不黎食，发现入面有好多蟹肉🤤🦀🦀🦀蟹肉焗完更加香口。