真鮨 (已結業)

同個FD喺尖沙咀行完街，經過金巴利道附近，見到有間日本餐廳新開叫Moshi Moshi，於是就試下啦。七點幾嘅時候唔算太多人，唔使等位就入得。餐廳所提供嘅食物種類都有好多，裝修亦都非常之日式。呢度裝修以木為主，周圍都放左好多日式擺設同掛畫， 店內裝修色調柔和，主要係木色同埋雲石色，仲有好多種類日本既酒擺左出黎， 環境好有格調。首先叫左池魚刺身，即叫即切，十分新鮮。之後有海膽軍覽，有海膽& 吞拿魚，海膽好鮮甜唔腥，值得推介。仲叫左鮑魚，呢個正，好新鮮，燒得剛剛好。之後有壽司拼盤，包括三文魚、魷魚、吞拿魚等壽司方面嘅質素真係幾高下，而且食落去唔錯，份量大，值得一讚仲叫左串燒試下，有豆腐，青椒，雞肉串，燒得都幾香口，同埋要趁熱吃最後買單每人三百幾，都物有所值