Perla Restaurant (已結業)

今月公司爆数, Bonus令我相当满意, 于是book咗间超高档餐厅同家人食餐好。 选址全港最高嘅大厦101楼「Perla Restaurant」叹南意海鲜菜。环境视野绝对冇得顶! 特大玻璃窗, 环境开扬, 边叹美食, 边欣赏美景, 几咁chill~餐厅只供应数款dinner set选择, 拣咗:首先送上 welcome drinks白酒,再上面包篮, 四选一榄橄油配搭, 分别为淡味、浓味、蕃茄味同果香味。头盘嘅摆盘好靓, 其中鱼骨状饼干烧当特别, 岩哂打卡。我最中意系烟三文鱼粒配沙律酱, 很有咸香。盐腌鱼卷: 地中海鱼, 加上青柠汁、黑鱼子酱, 微酸咸香, 岩哂衬淡味鱼。Pasta配以虾头熬制酱汁调味, 配上五款不同海鲜, 啖啖有惊喜。件鱼配上南瓜蔬菜汁, 鱼皮脆卜卜, 鱼肉虽算不上嫩滑, 不过个汁做得好滑, 口感取得平均。好快就到甜品环节,蛋白脆饼加上云呢拿cream同埋日本杮, 中间有日本杮汁, 蛋白脆饼入口渗出生味, 慢慢溶化, 整体味道香甜多汁。最后仲有四款小甜品, 卖相精致, 不同味道, 不同惊喜。最中意绿色果粒, 开心果味重, 甜甜的。