龍島 (朗豪坊)

营业中

休息中

路过见到朱古力蛋糕嘅卖相非常精致，总共试咗4款，其中小蛋糕系买3送1(平均$150就买到4件)，另外亦试咗一个4寸黑森林。总括讲全部都有好浓郁同软滑嘅朱古力，同埋毕竟系中高档定位，每款都有相当足料嘅蛋糕海绵体，而唔系用大量Cream去撑大同撑厚件嘢。伯爵茶系60%朱古力，食落真系有少少茶香。另外果件72%朱古力香浓软滑之余，底部有一层脆脆哋嘅薄层。另外果件好多朱古力碎块同最后件4寸黑森林上面几粒车厘子有酒味，蛋糕部分朱古力嘅香浓同上述都系差唔多。以呢个价钱同品质再加源于半岛酒店嘅大名，无论系送礼定自用都好体面。