Warren (已結業)

今晚男朋友带我去食好西，黎到大坑食法国菜，全权交俾佢order。首先黎蟹肉芒果沙律，第一次食炸左既幼面伴碟既芒果蟹肉沙律，卜卜脆，咬落好有口感。芒果鲜甜，同埋啖啖蟹肉一齐食，好享受。带子刺身都厚身，食落鲜甜肥美，下面有一块红加仑子啫喱，几得意。烧纽西兰羊架有两件，烧得岩岩好，完全唔会韧，几香口，而且冇羊膻味。香煎美国顶级西冷伴有三件西冷，好好咬，有肉味。伴碟个千层焗薯好邪恶，加左好多忌廉，但好食。法国菜果然每道菜既摆盘都好精致，虽然份量小但令人尝心悦目。