阿閒泰 (K11購物藝術館)

营业中

休息中

之前系尖沙咀都经过阿闲泰，觉得装修好美，原来铜锣湾也有。虽然系世贸中心入面就唔及尖沙咀方便，不过胜在有个无敌大海景，而且装修有用心思，走轻奢风，比一般泰式餐厅多咗份悠闲淑女feel。午餐有set menu，同朋友叫咗一份菠萝鸡肉炒糙米饭配炭烤牛肉串烧，同埋一份泰式醉猫肉碎炒新鲜卷粉，套餐都包一杯茶或咖啡，同埋一杯泰式肉碎沙律，另外再叫咗2份小食：炭烤鱿鱼须同香茅猪肉米纸卷。糙米饭好健康，味道都系健康的，牛肉串烧烧得香口，牛肉有质感有肉味而且偏瘦，食落唔会一旧肥油吞唔落。炒卷粉好特别，粉厚厚地但好烟韧，而且每条粉都好有味道，我比较钟意呢款。小食鱿鱼须烧得好香，有鱿鱼味，够干身。米纸卷就太细粒，如果有2粒就更好。佢嘅主菜份量都好大，真系2个人都食唔晒，绝对系抵食夹大件，再配埋海景，嚟食午餐真心抵。