海南少爺 (已結業)

今日去海港城行街, 经过见到 ❥⧽海南少爷❥⧽, 餐厅门口好骨致, 入到去发现有海景位, 环境真系几舒服。𓊈南乳猪颈肉𓊉一上枱已经闻到阵阵南乳味, 好香, 不过食落一d 都唔咸, 猪颈肉炸到金黄色, 肉质软腍, 好好食!𓊈马来虾面𓊉汤底以赤米虾, 猪骨, 蔬菜熬煮而成, 充满浓浓嘅虾味。3 只虾已经剥咗中间2 节壳, 好方便食, 虾肉几弹牙。油面同米粉都煮得刚刚好, 软硬适中。𓊈沙嗲拼盘 ✧ 牛 ✧ 猪𓊉可以拣2 种肉, 我拣咗牛肉同猪肉, 烧得好香口呀, 不论猪肉定牛肉都好 Juicy 多汁, 配埋好多花生粒粒嘅沙嗲酱, 真心好味!𓊈焦糖爆谷奶茶𓊉通常焦糖会配咖啡, 但系呢度配奶茶好特别, 除咗面层几粒爆谷, 成杯奶茶都充满好浓嘅爆谷味, 相对地比较甜, 不过值得一试。𓊈椰子菠萝沙冰𓊉椰子味好香, 菠萝虽然有少少酸, 不过互相平衡得几好, 几清新解渴。𓊈荔枝红茶𓊉每张枱都有一壶茶, 本来以为系普洱, 点知一饮就饮到好香嘅荔枝味, 有少少意想不到, 几好饮。✧✧ 整体食物都好好食, 员工嘅服务态度都好好, 值得再去。