賀記

营业中

休息中

🍮🥄🫘精致港式甜品✨ 喺西贡行行吓，见到呢间装修好靓又好新净嘅糖水店，于是入去试下。店里面得老板一个人一脚踢，但系佢都好nice。✅招牌生磨蛋白杏仁茶 -$48呢款甜品可以拣热/冻，喺西贡行完一圈有啲热，所以选择咗冻食。估唔到系用一只大碟上，份量唔少，而且好靓，上面有一片花瓣，味道亦都唔差。冇茶餐厅𠮶只杏仁霜嘅味道，杏仁味好香浓，同时都唔会好甜，唔会完全系流质，亦都有少少口感，几好味😋朋友叫嘅冻陈皮红豆沙（$32）都好靓，味道同样唔错。见到隔篱枱嘅叫咗杨枝甘露，原来仲会送个界好嘅芒果比你食。仲有佢哋其中一位嘅特浓榴梿布甸真系好香榴梿味，有机会一定要再去试。