影片
更多
2018-12-29
278 浏览
冬风起，最岩最想就系揾frd去打边炉，系暖粒粒既火锅边，慢慢食同慢慢倾下计！朋友介绍左一间观塘区既火锅餐厅，除左有火锅食之外，仲有d川菜可以点黎试下，好多选择。虽然呢间餐厅远左少少，系mega box 果到，但亦可能因为咁，餐厅好大好阔落，坐得好舒服同埋真系可以慢慢坐慢慢食。我地两个人唔敢叫太多野，点左两个前菜、一个滋补醉鸡锅、四款配料同两杯饮品。前菜 - 黄金鸡翼平时食黄金鲜鱿就食到得多，黄金鸡翼就真系第一次食，好新奇。食落个味同黄金鲜鱿好似，鸡翼炸到脆卜卜，啖啖蛋黄香，肉质嫩滑。酸辣原只鲜鱿筒呢款前菜感觉有d似泰式沙律，成个前菜用左好多唔同材料，有洋葱、青瓜等等，食落酸酸辣辣但又带青柠清新，同鲜鱿都好夹，好开胃。滋补鸡锅呢个汤底好足料，用左好多药材，一黎到已经好重药材味好香，配埋半只用酒腌左既新鲜鸡，真系好滋补。美国肥牛呢款份量两个人食既话都几多，每块都切到刚刚好，油脂分布平均，食落牛味都香浓，唔似雪藏好耐既肥牛。手打墨鱼滑墨鱼滑份量都系唔少，好有心思用心型上菜，食落都弹牙，同埋几有口感，食到粒粒墨鱼肉。清江鱼片反而鱼片份量唔算多，但醒在块块都好鲜味，鱼质都实在，唔会散，最紧要系无
朋友介绍左一间观塘区既火锅餐厅，除左有火锅食之外，仲有d川菜可以点黎试下，好多选择。
虽然呢间餐厅远左少少，系mega box 果到，但亦可能因为咁，餐厅好大好阔落，坐得好舒服同埋真系可以慢慢坐慢慢食。
我地两个人唔敢叫太多野，点左两个前菜、一个滋补醉鸡锅、四款配料同两杯饮品。
前菜 - 黄金鸡翼
平时食黄金鲜鱿就食到得多，黄金鸡翼就真系第一次食，好新奇。食落个味同黄金鲜鱿好似，鸡翼炸到脆卜卜，啖啖蛋黄香，肉质嫩滑。
酸辣原只鲜鱿筒
呢款前菜感觉有d似泰式沙律，成个前菜用左好多唔同材料，有洋葱、青瓜等等，食落酸酸辣辣但又带青柠清新，同鲜鱿都好夹，好开胃。
滋补鸡锅
呢个汤底好足料，用左好多药材，一黎到已经好重药材味好香，配埋半只用酒腌左既新鲜鸡，真系好滋补。
美国肥牛
呢款份量两个人食既话都几多，每块都切到刚刚好，油脂分布平均，食落牛味都香浓，唔似雪藏好耐既肥牛。
手打墨鱼滑
墨鱼滑份量都系唔少，好有心思用心型上菜，食落都弹牙，同埋几有口感，食到粒粒墨鱼肉。
清江鱼片
反而鱼片份量唔算多，但醒在块块都好鲜味，鱼质都实在，唔会散，最紧要系无泥味。好怕食鱼片好大阵泥味。
原只鲜鱿
原只鲜鱿真系原只上😂 睇得出只鱿鱼好新鲜，同埋几大只。职员比左把较剪我地自己剪开，但可能把较剪唔够利，好难剪开，最后要叫职员剪番开比我地。食落的确好鲜甜，同弹牙，朋友好喜欢。
So far职员都几有礼貌，同埋每样食物份量都几足料，适合3-4个朋友一齐黎食，可以happy share多d款菜。
张贴
