大公別館

营业中

休息中

朋友生日饭，佢钟意打边炉，要拣间有质素嘅火锅店 。呢间火锅店环境设计带有中国特色，座位舒适，服务态度良好，一入黎感觉舒服。餐牌上选择唔特别多，但食材精致，唔似平时嘅港式边炉配料。首先嚟到店员畀好多火锅酱料我哋拣， 外表睇落都好有特色， 可以自制自己钟意嘅味道都唔错㖞。汤底拣咗鸳鸯锅，一边系麻辣锅，一边系花胶浓汤鸡锅。麻辣汤底够哂火红，味道呛。 汤入面有鸭血，朋友食过大赞。浓汤鸡锅以为只有鸡件两件，点知嚟咗半只鸡， 上枱嘅时候吓一下，以为送错鸡。 鸡肉够厚，鸡肉嫩滑，有鸡味，唔错。正式火锅前先饮碗原汁原味嘅浓汤，奶白色嘅汤已经好正，花胶大件，汤味香浓，要添多2碗。牛小排， 纹理清晰，油脂分布均匀，牛肉味浓，又唔会太肥，正。鲍鱼鸡粒饺，真材实料，真系有鲍鱼粒喺饺子入面，虽然细粒左啲，但都有惊喜。猴头菇吸哂汤精华，好食。总括而言，餐厅有特色，服务又好，食材高质好味，下次可以再安哥。