名館 (已結業)

第一次食，晚餐时间满座，好在有预约，即刻入座。餐厅就系希慎广场入面，位置劲方便。睇睇餐牌，选择都非常多，前菜炖汤小菜甜品，连点心都有。餐厅环境舒适，空间感十足，同朋友一齐饮茶倾计都十分合适。陈醋珊瑚红海蜇头好有气势，d烟系源源不绝，岩晒我呢d相机食先。海蜇份量十足，加埋陈醋，酸醋冻冻，好开胃。太极马拉糕好得意，用马拉糕砌成太极，马拉糕唔系间间餐厅都做得好，但呢间餐厅都几好，火喉控制得好，马拉糕亦好香好松软。雪茄鲜虾春卷卖相好靓，真系好似雪茄。春卷即叫即整，热辣辣好好食。水蜜桃咕噜肉餐厅好重本用上水蜜桃而唔系用菠萝，水蜜桃同d汁都非常夹，酸酸甜甜，水蜜桃亦非常多汁。咕噜肉有炸过带脆身，而且系柳肉唔系排骨，无骨食得好方便。黑金蒜扣猪手猪手煮得刚刚好，弹牙唔会过淋或过硬，份量好多，骨胶源十足。自家制豆浆豆浆有豆味唔甜，几好。