Peko Peko Eatery (康怡廣場北座) (已結業)

每次经过都会被精致的环境吸引，同靓女旧同事食饭就选择左呢度。有选择困难的我们就选择了二人餐，有沙律、蘑菇汤、扇贝明太子意粉、香煎西班牙猪鞍。推广做紧加七十几蚊有忌廉青口，价钱好吸引所以都加左。样样野份量都好足够，两个女仔食晒整个餐系非常饱。最钟意蘑菇汤，好浓稠，好顺口，味道平衡得好好。另外猪鞍都非常出色，肉质好嫩，煎到外表有少少焦，好香口。结尾叫左个心太软做甜品，无论食到几饱，唔食个甜品好似意犹未尽咁。呢个心太软朱古力够浓郁，好流心，暖烘烘咁食落好舒服。环境好好，好宽敞，灯光装修等比到人一种好柔和放松感觉，真系好适合倾计。