琥酌 (已搬遷) 新店位置

好耐之前系荃湾食过一间牛吉列，觉得好正，近来谂起想揾另一间再试。尖沙咀呢间「琥酌」好似电视有介绍过，决定去试下系咪真系正。🤔—果到冷气几大，但烧完牛吉列既话又会岩岩好。灯光昏暗，座位尚算坐得舒适。 —话明要试牛，一定要叫啦。佢会上左个石炉先，再加3种调味。由上至下分别系(?原谅蓝妹真系记唔住第一个系咩，佢个味似盐焗鸡既葱油)，海盐同他他酱捞芥末。蓝妹3样都试哂，觉得第一个最好味，因为葱油味好香。😍但钟意食到更浓既肉味既话，用海盐就最岩啦。至于他他酱捞芥末，味道系几新颖既，不过唔太夹。😣—顶级安格斯牛吉列御膳和牛几贵，都系试下安格斯牛算。睇牛既颜色唔错，纹路都唔错。侍应话烧大约30-40秒就得，不过我地唔知系每边30定2边加埋30秒。😂最后我地每边大约30秒，唔会熟哂。肉质唔错，软熟，牛味唔系太浓，有肉汁。😃蓝妹好钟意佢既表皮，炸过既面包糠紧紧咁贴住牛肉，少少既脆度令成个口感更好，味道亦更丰富。😋—明太子蛋卷呢个真心好食，好多明太子，啖啖都有明太子充满住个口。蛋香加少少咸香既明太子，唔会太浓味，但令人好想食多几旧。🤤—琥酌丼佢既介绍系写「和牛同安格斯牛肉粒配上自家制酱汁」。我地要左个大S