更紗制菓 (希慎廣場)

营业中

休息中

新精头去探朋友，总唔可以两手空空，唔想买传统贺年礼盒，经过铜锣湾呢间蛋糕店，见到盒好靓嘅饼，好适合买黎送礼。焦糖坚果兔子脆饼 :见到包装盒面嘅兔仔画已经觉得好吸引，入面嘅脆饼都系兔仔形状架，非常可爱。脆饼入口脆卜卜，坚果好香口，配上焦糖味道甜甜地，朋友都赞不绝口。见到有散件装蛋糕卖，所以都买咗几件俾朋友嘅小朋友。戚风蛋糕拣咗开心果士多啤梨味及皇室红茶。开心果士多啤梨味粉红加绿色卖相好吸引，打开包装已经传出阵阵士多啤梨香，入口味道唔会太甜。皇室红茶有好浓香嘅红茶味，蛋糕质感松软，好味道。另外仲见到有好得意嘅饭团蛋糕，造型成个日式饭团咁，相当有特色。用法式薄饼包住蛋糕，食嘅时候再跟住包装上嘅指示拆开，方便之余亦唔会整污糟手。曲奇忌廉味入口幼滑，忌廉夹住曲奇饼碎，感觉好似食紧雪糕咁。宇治金时味抹茶味好香，入面有好多红豆，烟烟韧韧口感层次丰富。