食神麗宮

营业中

休息中

今日去西营盘探朋友，佢带我去一间充满富丽堂皇的酒楼食饭。饭店装修新潮设计，灯火辉煌，而且挂上一些新年的装饰，更添新年气氛。餐厅装修好中式，好精致好靓，坐得好舒服。1特酱烧乳鸽首先我哋嗌咗只乳鸽。乳鸽即叫即炸，热辣辣，非常美味。乳鸽外皮脆卜卜，肉质好Juicy，有好多油。厨房整得好好，唔会炸完就好柴。而且酱汁味都好浓郁，好味。2粉丝大虾球呢个系一个粉丝煲，表面有香葱作点缀。粉丝份量非常多，而且沾满晒酱汁，食落特别惹味。虾球大大个，而且份量多，食落好弹牙，令人食完一个又想食下一个。3云腿螺头鲍鱼炖鸡汤本身我就好期待呢个炖鸡汤，果然冇令我失望。汤品好清甜，鸡味浓郁，但又唔会太油。另外仲用上咗火腿肉、螺头同鲍鱼炖高级材料，饮落特别香甜。螺同鲍鱼食物质地啱啱好，好淋，唔会煮到好韧咬唔到。汤头整体好鲜甜，食得出用料好。4扣8头鲍鱼花胶鹅掌花胶鹅掌卖相好好，酱汁非常浓郁。鲍鱼系八头包，大大只，食落好腍，而且好入味。鹅掌都好入味！另外仲配有花胶，花胶大大条，充满胶质，黏黏地，好好味，啱晒补充骨胶原。最后仲有一条新鲜嘅生菜，整体配搭都非常好。