影片
更多
2015-11-07
862 浏览
虽然已经结咗婚，但老公依然好有心思咁揾咗间好有情调嘅餐厅嚟同我庆祝拍拖纪念日。间餐厅楼高两层，靠近窗边嘅枱可以望到海，环境非常浪漫。不过食物先系主菜，所以坐低之后，梗系第一时间点菜。一睇个餐牌，似乎好多嘢都好好味咁，真系花多眼乱！最后决定都系叫餐，唔驶自己烦。不过海鲜餐其实都有好多选择，本来想试多几款，但因为两公婆嘅好味太相近，所以最后都系决定叫咗两个一模一样嘅餐。正式开餐之前，点少得面包。两款面包都外脆内软，仲有淡淡嘅麦香，配上极为香浓嘅牛油，真系一个好开始。讲明系庆祝，点少得同海鲜餐极配嘅白酒！杯酒易入口，淡淡嘅酒香，令唔太好酒嘅我都一饮再饮。白酒梗系要配生蚝。生蚝海水味虽浓，但无掩盖蚝嘅鲜味！而且虽然唔太肥美，不过蚝味好重，真系齿颊留香！跟住嚟嘅系小食，分别系香草腌三文鱼同法式焗田螺。新鲜沙律菜加酸酸地嘅青苹果粒，配上薄薄嘅三文鱼，真系清新小吃，令人份外开胃。至于法式焗田螺，除咗田螺好味之外，估唔到连系配菜嘅薯蓉都制作认真，令人赞不绝口！啲薯蓉幼滑到入口即溶，真系好似食紧cream咁！小食之后就系餐汤时间——招牌马赛鱼汤。果然系名副其实嘅招牌菜！一嚟到已经传嚟阵阵鱼香味，饮落口嘅
虽然已经结咗婚，但老公依然好有心思咁揾咗间好有情调嘅餐厅嚟同我庆祝拍拖纪念日。
间餐厅楼高两层，靠近窗边嘅枱可以望到海，环境非常浪漫。
不过食物先系主菜，所以坐低之后，梗系第一时间点菜。一睇个餐牌，似乎好多嘢都好好味咁，真系花多眼乱！最后决定都系叫餐，唔驶自己烦。不过海鲜餐其实都有好多选择，本来想试多几款，但因为两公婆嘅好味太相近，所以最后都系决定叫咗两个一模一样嘅餐。
正式开餐之前，点少得面包。两款面包都外脆内软，仲有淡淡嘅麦香，配上极为香浓嘅牛油，真系一个好开始。
讲明系庆祝，点少得同海鲜餐极配嘅白酒！杯酒易入口，淡淡嘅酒香，令唔太好酒嘅我都一饮再饮。
白酒梗系要配生蚝。生蚝海水味虽浓，但无掩盖蚝嘅鲜味！而且虽然唔太肥美，不过蚝味好重，真系齿颊留香！
跟住嚟嘅系小食，分别系香草腌三文鱼同法式焗田螺。新鲜沙律菜加酸酸地嘅青苹果粒，配上薄薄嘅三文鱼，真系清新小吃，令人份外开胃。
至于法式焗田螺，除咗田螺好味之外，估唔到连系配菜嘅薯蓉都制作认真，令人赞不绝口！啲薯蓉幼滑到入口即溶，真系好似食紧cream咁！
小食之后就系餐汤时间——招牌马赛鱼汤。果然系名副其实嘅招牌菜！一嚟到已经传嚟阵阵鱼香味，饮落口嘅感觉真系令人一试难忘！啖啖都有鱼蓉，质地稠稠地，味道香浓之余亦非常特别，真系必食之选。
嚟到主菜——马赛海鲜煮龙虾。本来以为只系细细份，点知份量大得惊人！早知就同老公拣唔同嘅主菜，试多款啦！不过呢款又真系推介之选！除咗因为够大份外，更因为味道一流。除咗有原只鲜甜龙虾，仲有唔少新鲜海鲜配菜，例如爽口嘅虾、鲜甜嘅青口。不过令人赞叹嘅系面包片！当面包吸晒啲鲜甜香浓嘅海鲜汁后，一食落口，真系令人停唔到口！遗憾嘅系面包片唔够多，嘥咗啲咁美味嘅精华。
之后梗系唔少得精选是日甜品——朱古力慕丝配雪糕。慕丝极为幼滑，朱古力味亦浓，为成餐晚饭增添色彩。
最后饮埋杯香浓咖啡，今餐就完美地结束。
总括而言，环境浪漫、食物精致美味，系撑枱脚嘅好地方！
张贴
