鍾菜 (已結業)

家住九龙湾，于是星期六休息巳一早约个街坊去返附近嘅酒楼饮早茶，终于拣咗呢间喺九龙湾宏远道1号九龙大厦嘅钟菜酒家，门面好特别全部都用玻璃设计，外表睇似个酒吧，地方宽敞，环境幽静。雪柜里有很多琳琅满目嘅甜品。最特别嘅系个厨房，全部都用玻璃做城墙，透明度极高，可以睇住晒啲厨师煮嘢，好干净又卫生。我最钟意食佢呢款拉布肠，特别软熟、滑溜又有口感。其次就系啲碗鲮鱼丸生菜粥，鲮鱼丸够弹牙，粥底又稀结适中，最紧要系够晒热棘棘。仲有其他点心，好在有啲点心每碟有两款，可以食多几款。最后重叫咗红枣糕甜品，烟烟靱靭又甜度适中，感觉满足😋👍