AFTER TEN (已結業)

cafe环境优美，楼顶高，空间感大。而且宁静舒服，座位宽阔，可以好好享受叹下。餐厅主要采用木制品，落地大玻璃增加光线，钟意既可以坐bar枱仔，望街景食。叫左烟三文鱼杂菌扁意粉($88)，抹茶鲜奶($38)。意粉送上时传来浓浓烟三文鱼味道，见到满满三文鱼铺系面头，亦有沙律菜点缀。杂菌量非常丰满，有切成大片既蘑菇，入口香浓，口感一流。烟三文鱼肉质结实，湿润，唔会腥。而意粉软硬度属硬身dd既口感，个人钟意亦接受。酱汁好creamy，因为d菇味好浓烈，好挂汁。一个人食，超饱。饮品不得不叫，因为打卡靓，而且杯垫好有心思，系瓷砖。拉花做得好靓，而抹茶浓厚，鲜奶幼滑，饮完好温暖。整体，坐低慢慢叹午餐，好写意。店内仲有多款饮品、茶点、轻食，侍应落完单就会去忙，完全唔会系楼面阻住客人吹水食野，有咩再招手，佢地就会再帮忙，赞。