陳儀興尚潮樓 (英皇道)

营业中

休息中

以前细个成日陪屋企人食潮州菜，大个咗又想揾返呢啲传统味道回味吓。见到有唔少人推荐呢间“陈仪兴”，一于试试佢😆。⠀第一道亦系最令我impression嘅，就系“鱼露浸花甲”(冻食)，花甲冇沙，鱼露酱汁咸甜适中，带出咗花甲本身有嘅鲜甜味😋，仲有少量咸菜同麻油点缀香气，好想encore嗌多碟😆！第二道菜系“鹅片双拼五花肉”，鹅片就点都要嗌嘅，五花肉只系求其拣，不过五花肉脂肪唔算厚，食落亦唔肥腻，鹅片唔韧好索汁，送饭一流👍🏻。第三道菜系“油泡南澳岛椒盐鲜鱿”，鱿鱼唔韧，炸粉唔算厚，不过不失冇乜特别。最后嗌咗个“胡椒咸菜鲜猪肚汤”，当时好想饮啲特别暖胃嘅汤，胡椒猪肚一定够暖胃所以就嗌咗冇谂咁多🤣，胡椒味唔算重，猪肚干净冇怪味，对于我呢啲本身好怕强烈胡椒味嘅人，可以讲话系十分comfort嘅胡椒味🤣，当中嘅咸菜同汤一齐咀嚼好好味，亦系可以encore嘅汤✨。⠀虽然餐厅定价唔平，但手巧潮州功夫菜唔系度度好食，偶尔怀旧吓都无妨👍🏻。