Potluck Eatery

今日系拍拖五周年纪念，同老婆嚟咗呢间喺佐敦新开嘅餐厅食晚餐，可能新开冇耐未有太多人知道，人唔算多唔驶等位。餐厅嘅装修布置好精致，亦好阔落空间感十足，一入门口仲有啱晒女仔嘅打咭位！我哋叫咗两份晚餐，跟餐有汤、饮品同甜品。首先上菜系汤同蒜蓉包，汤嘅材料好丰富，有洋葱、萝卜、薯仔，仲有啲薏米，配搭几特别几好饮！【脆炸鱿鱼伴墨鱼汁沙律酱】另外叫咗份小食，炸鱿鱼个粉酱炸到脆卜卜，点埋个墨鱼汁沙律酱好夹。但大家食呢个就要小心啲，好易食到成嘴黑晒，哈哈！【牛油香煎带子鲜蚝汁意大利饭 】带子用牛油煎到微焦，意大利饭嘅湿度同软硬度啱啱好。睇佢个名以为得「蚝汁」，原来入面都有唔少蚝仔肉㖞，啖啖都充满蚝味好鲜味！【炭烧美国安格斯肉眼】肉眼扒叫咗七成熟，入面仲好粉红亦唔会太生，火候控制得好好！牛肉味浓肉好淋唔韧，系食到最后两旧有啲根位。配菜嘅BB薯仔同脆肉瓜都好好食。跟餐嘅甜品一啲都唔马虎，系千层蛋糕版嘅Tiramisu，相卖劲精致，食落唔会太甜亦唔腻，戒甜嘅我今晚破戒食咗，好好味，哈哈！