Coti (沙咀道)

营业中

休息中

今日约左个朋友食lunch，因为佢要返工关系，我地拣左间喺佢公司附近既呢间Coti~ 餐厅唔算太大，位置有十个左右，店员见到我地就好nice咁介绍有咩好食～ 我地睇左个menu，最尾决定叫左个carbonara 同牛肋骨饭卡邦尼半熟蛋意粉：佢做法虽然简单但唔系间间都整得好味！一黎到，见意大利烟肉份量颇多，其油香肉味亦非常突出，每啖都将近都食到有烟肉，为意粉增添上不同口感和味道，而意粉因为有半熟蛋嘅加持令其口感更为滑身，酱汁浓稠，每条意粉被浓浓嘅酱汁包里住，非常creamy ！烤牛肋骨饭：牛肋骨煮得非常软稔同非常入味，而采用嘅牛肋骨嘅肉味都好浓郁，唔会因为酱汁嘅味而掩盖其肉味。而口感方面因为有再将其烤制所以仍能保持应有嘅口感，唔会太烂太碎，实属难得，而佢哋呢度嘅酱汁算系采用较为中式嘅方法炮制，可算系比较有惊喜嘅地方。野饮呢我地就叫左 焦糖布甸咖啡同抹茶鲜奶焦糖布甸咖啡：咖啡表面有层焦糖布甸，香气十足，咖啡饮落每啖都有阵阵嘅焦香嘅味，同咖啡本身嘅味道非常之夹。抹茶鲜奶：呢度嘅抹茶茶味劲浓，但系平时应有嘅苦涩味就比预想嘅少好多，加埋鲜奶入口更为顺滑。