蟹筵 (已結業)

公司附近新开的九号水产一直都想去试试，当中最期待专食活蟹料理的蟹筵，前晚收工终于同男友去食。两个人点了晚餐澄，前菜是海胆蟹冻，用蟹熬汤做的啫喱，入面仲有好多蟹肉，再加埋甜甜的北海道海胆同埋 Wasabi 蟹子，感觉好Fresh，好开胃。跟住仲有鳕场蟹脚刺身，蟹肉够鲜甜仲好爽，完全唔使点鼓油wasabi 已经好好食！两个人仲可以 Share 原只蒸毛蟹食，比起点醋食，餐厅俾返一碟毛蟹蟹膏点返蟹肉食，就更加鲜味同埋有特色。去到最后仲有个鳕场蟹 Shabu Shabu，自己放蟹钳落去滚，待应有提我哋唔好滚太耐，大约3-4分钟就够，食完火锅之后，原来个蟹锅汤底仲会用来煮蟹粥，个粥底本身蟹味好浓，再加咗蟹膏味噌落去煮，真系又香又鲜！成个餐计埋甜品雪糕有九道菜式，每道都好精致，真系由头食蟹食到尾，劲丰富！