阿叔泰麵 (積信街) (已結業)

早几日响大围经过呢间阿叔泰面，比佢门面吸引咗！因为所有装饰都好有特色，特别系门口个窗同拉闸好有feel！入到去座无虚席，我同老公一人嗌左一碗船面。猪肉船面有肉片+猪肉丸；牛肉船面就有牛腩+牛丸，另外每碗都有超脆炸猪皮，绝对系画龙点睛。无论乜嘢汤面都好，汤系灵魂嘅所在，所以上菜之后第一时间就饮咗啖汤先，非常之浓郁，可以讲系香而不腻。另外店家都有建议我哋加调味料，有辣椒粉、鱼露、白糖同白醋，非常有地道风味。另外我哋仲叫咗个阿莱烧猪颈肉，香脆可口，油脂四溢，点埋个鱼露非常解腻，可以话系停唔到口。最后仲叫咗个芒果糯米饭，有啲惊喜，因为成个饭嘅软硬程度温度同埋味道都好啱我嘅口味。如果唔系太饱嘅话我都想嗌多一份。