影片
更多
2023-09-17
27 浏览
放咗工想Chill 下，谂返起之前食过嘅西班牙酒吧餐厅。餐厅虽然距离铜锣湾地铁站唔远，但位置比较隐世，环境亦系闹市中嘅宁静，适合朋友聚会。 色彩缤纷嘅霓虹灯喺街道特别吸晴。 餐厅设有靠窗嘅座位、较舒服靠主墙嘅四人位，亦有少量高枱，高枱台面比较小，好快摆满菜式，不过菜式比较精致，盛装嘅碗碟亦比较细小 ，尚算放得到。 🐙薄切慢煮八爪鱼大约有7块 ，切得薄而均匀，有心思咁逐片铺垫，口感软绵易咬，加上蕃茄蓉同橄榄油 更加开胃。 🍣薄切炙烧吞拿鱼腩味道浓郁甘香，配合表层香口嘅芝麻同清新沙律菜，中和到吞拿鱼腩既油腻感。 🍢棒棒鹅肝有趣嘅卖相，将鹅肝搓成球状，好似棒棒糖咁吉住🍭，咸香浓郁，翻滚后黏上开心果碎同坚果， 口感更丰富。 平时习惯鹅肝酱配饼/多士中和返，不过每人分一枝，都唔会太重口味。🍳西班牙薯仔蛋饼 蛋饼比较厚实，切开后蛋汁倾流而出， 入面仲有添加蕃茄酱，配料唔少，有粒粒薯仔、洋葱、火腿同少许芝士。🐽🍅西班牙慢烤乳猪蕃茄锅饭西班牙乳猪经过慢烤， 更加薄脆，亦能锁住肉汁，保持柔嫩。原只乳猪脾上菜，大到遮盖住米饭，不过有骨切开分享有啲难度，沾满蕃茄高汤嘅米饭粒粒分明，偏干爽。有几款Signat
餐厅设有靠窗嘅座位、较舒服靠主墙嘅四人位，亦有少量高枱，高枱台面比较小，好快摆满菜式，不过菜式比较精致，盛装嘅碗碟亦比较细小 ，尚算放得到。 
🐙薄切慢煮八爪鱼大约有7块 ，切得薄而均匀，有心思咁逐片铺垫，口感软绵易咬，加上蕃茄蓉同橄榄油 更加开胃。
🍣薄切炙烧吞拿鱼腩
味道浓郁甘香，配合表层香口嘅芝麻同清新沙律菜，中和到吞拿鱼腩既油腻感。
🍢棒棒鹅肝
有趣嘅卖相，将鹅肝搓成球状，好似棒棒糖咁吉住🍭，咸香浓郁，翻滚后黏上开心果碎同坚果， 口感更丰富。 平时习惯鹅肝酱配饼/多士中和返，不过每人分一枝，都唔会太重口味。
🍳西班牙薯仔蛋饼
蛋饼比较厚实，切开后蛋汁倾流而出， 入面仲有添加蕃茄酱，配料唔少，有粒粒薯仔、洋葱、火腿同少许芝士。
🐽🍅西班牙慢烤乳猪蕃茄锅饭西班牙乳猪经过慢烤， 更加薄脆，亦能锁住肉汁，保持柔嫩。原只乳猪脾上菜，大到遮盖住米饭，不过有骨切开分享有啲难度，沾满蕃茄高汤嘅米饭粒粒分明，偏干爽。
有几款Signature 选择
🍹Virgin Sangria
用上士多啤梨、橙同青柠等杂果，加上梳打水，几清爽。
🍹Rose Sangria
菠萝柠檬 容易入口，但味道未及Virgin Sangria 浓郁。
张贴
