影片
更多
2005-10-27
88 浏览
今日有点事件要办, 所以要到太古城走一趟, 呢到有间太子饼店, 经过好几次, 但未帮衬过, 记得在食评中, 见多位食家都对此饼店给予好评, 于是办完事后, 便专诚到此饼店, 选购了几件冻饼品尝一下! 1. 士多啤梨拿破仑strawberry napoleon ($8), 上下两层既圆形拿破仑, 未算很脆,但却几松化, 中间夹住几片士多啤梨同吉士, 士多啤梨唔酸, 颇鲜甜, 吉士亦唔太甜, 但未够香滑, 不过我觉得比我家楼下饼店所造既拿破仑好!2. 黑森林卷black forest roll ($8) 朱古力蛋糕软熟, 内里夹住朱古力mousse和车厘子, 蛋糕面仲铺满朱古力碎, 朱古力mousse既味道不及美心既浓烈, 但仍有朱古力味道, 所以感觉不会太漏, 而令我估唔到既就系有车厘子果肉, 美心都只系以jelly代替车厘子, 而呢件黑森林卷就系用真正车厘子, 虽然车厘子系切开左, 唔系原粒, 但却唔系罐头货(蛋糕面个粒除外)!3. 蓝莓芝士蛋糕blueberry cut cake ($9) 我见呢件蛋糕既英文名唔系cheese cake, 于是问下店员, 佢话呢件系芝士, 仲话呢件好
1. 士多啤梨拿破仑strawberry napoleon ($8), 上下两层既圆形拿破仑, 未算很脆,但却几松化, 中间夹住几片士多啤梨同吉士, 士多啤梨唔酸, 颇鲜甜, 吉士亦唔太甜, 但未够香滑, 不过我觉得比我家楼下饼店所造既拿破仑好!
2. 黑森林卷black forest roll ($8) 朱古力蛋糕软熟, 内里夹住朱古力mousse和车厘子, 蛋糕面仲铺满朱古力碎, 朱古力mousse既味道不及美心既浓烈, 但仍有朱古力味道, 所以感觉不会太漏, 而令我估唔到既就系有车厘子果肉, 美心都只系以jelly代替车厘子, 而呢件黑森林卷就系用真正车厘子, 虽然车厘子系切开左, 唔系原粒, 但却唔系罐头货(蛋糕面个粒除外)!
3. 蓝莓芝士蛋糕blueberry cut cake ($9) 我见呢件蛋糕既英文名唔系cheese cake, 于是问下店员, 佢话呢件系芝士, 仲话呢件好受欢迎! 蓝莓酱混合左少许蓝莓肉, 下面白色一层, 店员话系芝士, 口感都几滑, 但芝士味就唔多突出, 不过又唔系cream既味道, 最底一层系几脆既饼, 饼底都几厚, 味道有点似牛油酥饼, 我食得出有牛油味, 唔太合我口味, 除左饼底之外, 整件饼都算食得过!
4. 孖宝芝士蛋糕marble cheese cake ($10) 之前食家话呢件蛋糕既英文名系double cheese, 但我见佢而家系写住marble cheese, 可能佢已经改正左! 呢件既芝士味道比较突出, 但未算太浓, 口感亦唔算好实, 所以唔觉得好腻, 不过我食唔出佢「孖宝」既味道, 我只食到一种味, 就系芝士味, 好似同new york cheese 冇分别, 佢仲有层薄薄既饼底, 呢个饼底冇咁牛油味, 不过就唔脆, 如果唔系眼见到, 单凭口既感觉, 都唔知道佢有层饼底!
之前食家话呢到既芝士蛋糕系$8一件, 但我而家买已经$10一件, 不过, 以一家屋村既小型饼店, 都能够造出咁精致既西饼, 细细一件, 唔会偷工减料, 又能够令食家满意, 虽然加左价, 但都觉得物有所值!
张贴