影片
更多
2022-09-04
17 浏览
深水埗近年聚集好多不同嘅高质小店，一洗以往大众觉得「地踎」嘅印象。餐厅嘅名字充满住浓厚嘅诗意 —— 桂月。桂月指八月，皆因每年农历八月桂花盛开。而因传说中月亮上有桂树，所以桂月乃月亮嘅别称。餐厅主打提供本地嘅手公啤，葡萄酒以及西餐为主。墙身挂满住好多不同嘅黑胶唱片珍藏，加上装修嘅风格令人有如去咗泰国渡假咁。餐前酒Prosecco DOC级数嘅气泡酒，味道不甜偏干，清新香味扑鼻，少少偏酸好啱食沙律前醒醒胃。餐酒Finger Stamp Shiraz 2019南澳出产嘅Shiraz有住丰沃嘅红水果味，果香重低酸度丹宁中等几易入口。Finger Stamp Chardonnay 同属南澳出产嘅Chardonnay, 颜色呈萤光黄，味道方面有少少奶油饼干同埋梨嘅香味。烟三文鱼无花果田园沙律刚刚好嘅二人份量，烟三文鱼一定够两份分！柚子汁比想像中甜，味道有啲似柚子蜜嘅感觉。而且沙律嘅 dressing 有无花果粒，诚意分满满。英式脆炸深海鳕鱼配香料薯条拳头咁大嚿嘅炸鳕鱼，食落去肉质弹牙结实一啲都唔削，但炸粉就厚咗少少。香料薯条味道非常邪恶，香中带辣而又有少少蒜香味，食到jap jap声停唔到口。黑
深水埗近年聚集好多不同嘅高质小店，一洗以往大众觉得「地踎」嘅印象。
餐厅嘅名字充满住浓厚嘅诗意 —— 桂月。桂月指八月，皆因每年农历八月桂花盛开。
而因传说中月亮上有桂树，所以桂月乃月亮嘅别称。
餐厅主打提供本地嘅手公啤，葡萄酒以及西餐为主。墙身挂满住好多不同嘅黑胶唱片珍藏，加上装修嘅风格令人有如去咗泰国渡假咁。
餐前酒
Prosecco
DOC级数嘅气泡酒，味道不甜偏干，清新香味扑鼻，少少偏酸好啱食沙律前醒醒胃。
餐酒
Finger Stamp Shiraz 2019
南澳出产嘅Shiraz有住丰沃嘅红水果味，果香重低酸度丹宁中等几易入口。
Finger Stamp Chardonnay
同属南澳出产嘅Chardonnay, 颜色呈萤光黄，味道方面有少少奶油饼干同埋梨嘅香味。
烟三文鱼无花果田园沙律
刚刚好嘅二人份量，烟三文鱼一定够两份分！柚子汁比想像中甜，味道有啲似柚子蜜嘅感觉。而且沙律嘅 dressing 有无花果粒，诚意分满满。
英式脆炸深海鳕鱼配香料薯条
拳头咁大嚿嘅炸鳕鱼，食落去肉质弹牙结实一啲都唔削，但炸粉就厚咗少少。香料薯条味道非常邪恶，香中带辣而又有少少蒜香味，食到jap jap声停唔到口。
黑松露杂菌意大利饭
香喷喷嘅意大利饭，口感粒粒够硬净唔会煮到overcook 太淋，黑松露嘅味道平衡得刚刚好，唔会太浓抢哂杂菌嘅味道。
厨师精选甜品
草莓拼朱古力嘅迷你蛋糕，配上苹果脆曲奇碎醉同云呢拿雪糕。份量细细，志在过吓口瘾。
张贴
