Forever 友緣西餐 (已結業)

今日再次出走元朗揾食，平时大多数人都会去又新街一带觅食，不过元朗又点止咁少地方有好嘢食，是晚路过西菁街，呢边比较多西餐厅，而且见到有一间环境舒适又有落地玻璃嘅西餐厅，于是决定入去试下。入到餐厅中间有一盏好大嘅水晶灯，感觉又Grand 又有情调。我地先order 咗2个set dinner 再升级加$45有一客'香蒜包糠焗扇贝' - 包糠焗得比较干身，而且扇贝偏细，味道不过不失。餐汤是蘑菇汤-味道浓郁，整碗汤用上不同种类的蘑菇混合而成，香甜美味。主菜有'烤美国顶级肉眼扒配黑椒汁'牛扒medium rate ,生熟程度刚刚好，牛味浓郁，肉质鲜嫩。另一款主菜'烧加拿大黑毛猪鞍配芥末子蜜糖汁'猪鞍非常厚身而且份量十足，肉质粉嫩，味道鲜美，配上软滑薯泥，相当滋味。最后叫咗一客法式焦糖炖蛋做结尾-炖蛋质地creamy , 蛋味唔太浓，香甜可口，而面层焦糖亦十分脆口。估唔到元朗都可以有咁好环境嘅西餐厅，下次要再试试其他菜式先。