阿來客棧雞煲火鍋 (已結業)

听闻呢间高质鸡煲嘅汤底特别好食，食材新鲜，所以今日就同朋友试下。一入店内，环境舒适，古色古香嘅装修，加上几幅水墨画，非常适合一边品尝美食，一边同朋友倾偈。金汤花胶瑶柱鸡(半只) $198成餐最好食就系个汤底，大大件花胶，软滑爽口，成个汤都系骨胶原呀😆汤底有大量瑶柱杞子，再加埋嫩滑鸡肉，成个汤都好鲜香。加火锅料之前记得饮碗汤先呀😏桂花蚌(半份) $68非常新鲜，口感滑溜，熟左之后都无缩水，仲系咁大件！手打四宝丸 $52分别系鲜虾丸、墨鱼丸、牛肉丸、猪肉丸。鲜虾丸同墨鱼丸真系有大粒虾肉同墨鱼粒，提升口感鲜味。牛肉丸同猪肉丸保留鲜美肉汁，钟意食肉嘅朋友必点！脆骨腩(半份) $48非常爽脆，新鲜唔会有鱼腥味，细骨唔多，唔太识食鱼嘅朋友都可以试。鲜滑牛(半份) $48肉质嫩滑，食多几片都唔会觉得滞。鲜猪腰(半份) $42内脏除左新鲜，最紧要系要卫生。猪腰即猪嘅肾脏，店员清洗得非常干净，所以一啲腥味都冇👍🏻野生竹笙(半份) $56一个好味嘅汤底，梗系要叫啲吸收汤水嘅食材。竹笙嫩滑爽脆，吸引花胶鸡汤嘅精华，推荐👍🏻白桃梳打 $25唔想次次食火锅都系饮可乐啤酒，可以拣呢个白桃梳打。清甜白桃味，唔会太甜