반찬앤쿡 Banchan and Cook (時代廣場) (已結業)

新开既韩式餐厅主打蛋包饭，仲有韩式小食。晚市大约7点，人流唔算多，餐厅环境非常大，有好多座位，而且好宽阔，甚至多人gathering都冇问题。入座后会送上腌萝卜开胃前菜。叫左招牌咖哩炸猪扒饭($110)，鳗鱼蛋包饭($105)。招牌咖哩炸猪扒饭可以跟dinner set加钱有饮品。冇谂过除左有炸猪扒之外，仲有咁多伴菜。炸猪扒炸皮够薄，而且块猪扒都几大块。咖哩少少辣，煮得够稠及浓，好适合拌饭。脆皮肠大大条脆卜卜，仲好贴心将脆皮肠𠝹左几刀，方便切。配菜既炸粉丝卷不过不失，可以试到韩国小食，旁边仲有d蔬菜点缀，令成碟野食既卖相提高左好多，食物味道唔错。大大条鳗鱼好吸引，而且蛋包饭好完整咁铺左系饭上面，颜色好靓。鳗鱼既肉质系属于有弹性个款，唔系鱼肉既口感，鳗鱼皮都系有弹性个款。鸡蛋嫩滑，好大份，但略为淡味。蕃茄炒饭炒得唔错，粒粒都有蕃茄红色，饭量都几多，食食下好饱。配菜同样不过不失，有蔬菜感觉健康d。整体，环境好舒服，食物卖相味道好，打卡一流，可以慢慢食，唔会赶人走。