影片
更多
2023-04-08
73 浏览
近排周围揾吓租盘，其中一个心水楼盘就系位于屯门嘅御海湾，喺西铁屯门西铁站出咗再搭轻铁一阵间到屯门泳池站一落轻铁就会见到呢个屋苑，屋苑楼下有唔少食肆同超市，而依间餐厅喺外面睇已经感觉到面积唔细，装修亦都好新净，门口放咗唔少花造既熊啤啤，非常吸引！餐厅有室内同室外座位，坐喺室外嘅感觉都好chill, 不过今日天气有啲大风，所以我哋就选择咗坐室内。坐低冇耐见到附近有两张枱都叫咗威灵顿牛柳，卖相非常好👍🏻好吸引我！于是我哋就决定一定要嗌一客两个人share! 我哋再分别叫咗一客意粉和猪鞍扒。香煎带子磨菇酱扁意粉-有好浓郁嘅魔菇味，仲落咗唔少芝士，无论材料同味道多超级好！威灵顿牛柳-威灵顿牛柳嘅份量都唔少㗎，餐厅好细心，将佢一分为二，方便我哋两个人一齐分享！厚切低温伊比利亚猪鞍扒- 大家要留意伊比利亚猪鞍扒系低温慢煮，所以有少少粉红色，唔洗担心唔够熟！猪鞍扒好juicy! 一啲都唔鞋！味道非常好！仲配有两款酱汁，分别系焦点苹果和芥末酱，仲有唔少配菜，呢客系我最喜欢既❤️❤️今餐好饱，虽然见到餐厅嘅甜品Menu好吸引，有好多款式，仲要价钱唔贵，最平嘅$20都有交易，譬如冬甩芝士饼等等，好想食甜品，但
近排周围揾吓租盘，其中一个心水楼盘就系位于屯门嘅御海湾，喺西铁屯门西铁站出咗再搭轻铁一阵间到屯门泳池站一落轻铁就会见到呢个屋苑，屋苑楼下有唔少食肆同超市，而依间餐厅喺外面睇已经感觉到面积唔细，装修亦都好新净，门口放咗唔少花造既熊啤啤，非常吸引！
餐厅有室内同室外座位，坐喺室外嘅感觉都好chill, 不过今日天气有啲大风，所以我哋就选择咗坐室内。
坐低冇耐见到附近有两张枱都叫咗威灵顿牛柳，卖相非常好👍🏻好吸引我！于是我哋就决定一定要嗌一客两个人share! 我哋再分别叫咗一客意粉和猪鞍扒。
香煎带子磨菇酱扁意粉
-有好浓郁嘅魔菇味，仲落咗唔少芝士，无论材料同味道多超级好！
威灵顿牛柳
-威灵顿牛柳嘅份量都唔少㗎，餐厅好细心，将佢一分为二，方便我哋两个人一齐分享！
厚切低温伊比利亚猪鞍扒
- 大家要留意伊比利亚猪鞍扒系低温慢煮，所以有少少粉红色，唔洗担心唔够熟！猪鞍扒好juicy! 一啲都唔鞋！味道非常好！仲配有两款酱汁，分别系焦点苹果和芥末酱，仲有唔少配菜，呢客系我最喜欢既❤️❤️
今餐好饱，虽然见到餐厅嘅甜品Menu好吸引，有好多款式，仲要价钱唔贵，最平嘅$20都有交易，譬如冬甩芝士饼等等，好想食甜品，但真系食唔落，唯有下次再嚟试吓啦！
Honor Knight Restaurant (屯门)
屯门海皇路23号御海湾地下24-26号舖
张贴
