影片
更多
2022-09-06
90 浏览
打唔成风就会不停咁落雨，落雨湿湿就系屋企附近食个面啦，点知俾我发现咗间高汁车仔面，一间由30年经验嘅老师傅传授嘅卤水汁同辣汁嘅车仔面店车仔面款色多就正常，但用靓料就唔系度度有，呢度丸类会使用振兴丸同四州鱼蛋呢啲香港制造，非常有质素。另外佢嘅卤水真系好食，卤水猪颈肉好入味但又唔会太抢，大肠又好腍，会清理一下肠入边嘅脂肪，细心。卤水牛筋真系卤水中嘅天花板，好腍好滑仲入味，每一旧大细都可以一口，而且系带少少肉，令到佢更加有咬口卤水之外，呢间小店嘅咖喱猪皮都好好味，炆到腍而唔烂，仲好爽口，咖喱味嘅比例啱啱好，配埋个清甜嘅萝卜就一绝另外个辣汁都好惹味而且都几辣，绝对令到成碗车仔面加添咗一个生气
张贴
