影片
更多
2017-08-11
4305 浏览
打工仔放左工当然要好好咁依下个肚仔，但系每次谂食啲乜嘢都谂成个钟，所以今次就约埋朋友仔一齐收工打边炉，夜麻麻收工都系去旺角啦，起码食到两三点都有车走呀，而且听朋友仔讲有间手作火锅店推介咁就要试试😋呢间位于旺角弥敦道誉发广场3楼既焱手工涮涮锅就系朋友仔所讲𠮶间手作店，净系讲环境一出到嚟就见到墙上面嘅壁画图案又画得几有心思同特别，再望一望个餐牌写10点后全单85折，完全符合我呢啲放工嚟食嘢嘅人，行到门口就当然即刻入闸闯一闯先啦。一入到去即刻有招呼，而我同行四人当然拣一个卡位啦，先讲下间铺既硬件，呢个四人卡位极之宽倘，相信可以足够坐六个人呀！赞👍睇完一轮嘅餐牌之后我哋就决定点一个焱选套餐，当点完餐之后就立即有人送我哋一碟前菜：柚子沙律。鲍捞起手撕鸡，睇幅图就知道系我拎相机影相果刻朋友仔们只手已经拎起咗筷子，所以我用一个迅雷不及掩耳嘅速度影完相立即起筷，呢碟手撕鸡同灯笼椒炒埋一碟做前菜真系一流酸酸甜甜好开胃！而个火锅汤底我哋拣咗马来香芋沙嗲锅&养生人参药膳锅，呢个火锅一上到枱就令我呢个宠物小精灵粉丝联想起成个锅就好似精灵球咁嘅款，而且汤底方面沙嗲汤底只可以讲非常之香，为因为我比较唔食得辣所以人
打工仔放左工当然要好好咁依下个肚仔，但系每次谂食啲乜嘢都谂成个钟，所以今次就约埋朋友仔一齐收工打边炉，夜麻麻收工都系去旺角啦，起码食到两三点都有车走呀，而且听朋友仔讲有间手作火锅店推介咁就要试试😋
呢间位于旺角弥敦道誉发广场3楼既焱手工涮涮锅就系朋友仔所讲𠮶间手作店，净系讲环境一出到嚟就见到墙上面嘅壁画图案又画得几有心思同特别，再望一望个餐牌写10点后全单85折，完全符合我呢啲放工嚟食嘢嘅人，行到门口就当然即刻入闸闯一闯先啦。
一入到去即刻有招呼，而我同行四人当然拣一个卡位啦，先讲下间铺既硬件，呢个四人卡位极之宽倘，相信可以足够坐六个人呀！赞👍
睇完一轮嘅餐牌之后我哋就决定点一个焱选套餐，当点完餐之后就立即有人送我哋一碟
前菜：柚子沙律。鲍捞起手撕鸡，睇幅图就知道系我拎相机影相果刻朋友仔们只手已经拎起咗筷子，所以我用一个迅雷不及掩耳嘅速度影完相立即起筷，呢碟手撕鸡同灯笼椒炒埋一碟做前菜真系一流酸酸甜甜好开胃！
而个火锅汤底我哋拣咗马来香芋沙嗲锅&养生人参药膳锅，呢个火锅一上到枱就令我呢个宠物小精灵粉丝联想起成个锅就好似精灵球咁嘅款，而且汤底方面沙嗲汤底只可以讲非常之香，为因为我比较唔食得辣所以人参汤系我拣的骤眼所见材料都10分丰富例如杞子同两大条人参，喺其他火锅店真系未必可以食得到呢啲汤底。
当个火锅汤底比我部相机食完之后店员就随即到啲酒喺中间𠮶一堆蚬到，之后就叮嘱我哋几位唔好坐咁埋，因为佢同我地搞笑咁讲个精灵球要点火啦，咁精采嘅时刻我当然用手机慢动作影低佢再分享俾大家睇吓。当个火烧完之后，好快就将d蚬食哂，快快口食晒嘅原因就当然系啲酒煮蚬又大粒又好味啦🙈
当我地仲等紧个锅嘅时候，又见到一盘卖相精致嘅菜式
分别有太极孩子海鲜军舰，鲜虾雪条棒，牛肝菌黑松露饺子，三层楼墨鱼砖，鲩鱼丸。净系睇个卖相就知道一半嘅火锅店根本就食唔到呢啲咁有创意嘅食材，佢哋嘅味道唔使多讲啦，三个字「好味」，好味其实系除咗食材新鲜之外同埋佢嘅卖相重点就系佢哋嘅调味配料，因为一般都系豉油、蒜蓉、花生酱、葱，但最意想不到嘅系有我最钟意嘅胡麻酱，呢一下胡麻酱绝对系我对佢大赞嘅原因之一。
另外呢个时令海鲜拼盘，个店员一搬到上枱，真系忍唔住哗左一声，圣子、鲍鱼、带子、海虾、脆鲩片，平时嘅火锅店根本就食唔到鲍鱼同带子，而今次呢个时令海鲜评判系会因应当日嘅鱼市场供应而有变动，所以今次有鲍鱼食相信都系我同朋友仔开心食嘅一种福气。亦都系因为时令海鲜嘅关系所以啲海鲜全部都好新鲜
而系肉类方面我哋拣咗日本松板黑豚肉配小黄瓜，净系睇佢挂起啲肉个架，同埋啲小黄瓜切得纤薄嘅刀工，又边可能忍得住手唔即刻试试。个黑豚肉配埋我自己调出嚟嘅胡麻酱汁真系一流，而呢个小黄瓜我直接放入口，一个字「鲜甜」。
打边炉最紧要有响铃，因为响铃一浸落个汤底就会索晒啲味，我浸左呢个人参药膳汤随即放入口，每哭一下都流出淡淡既参汤味，冇得弹。
眼前呢一点就系顶级安格斯牛颈脊，淡薄嘅脂肪铺满左系呢个鲜红色嘅牛肉上面，真系唔好讲笑食少几块都觉得自己蚀底左，夹落去个锅度滚一滚在轻轻点一点酱汁完完全全可以吊起佢果种浓烈嘅牛肉香同淡薄嘅脂肪味道！
喺饮品方面我就拣咗「山渣紫背天葵」，因为打边炉通常都会食好多野，有杯山渣饮品帮自己个胃消化下系最明智嘅选择！味道好味之余又唔会太甜，而份量仲足够应付我成个宵夜！
呢个四人饭局，每位都系268，10点后入座仲有八五折添，环境非常清新，地点又非常就脚，而且而呢一个价钱食到咁新鲜嘅海鲜同埋啲猪猪牛牛，仲有用心整出嚟嘅手作食材，真系物超所值😋
张贴
